Pit Stop

Hindi ako nakapag-comment sa year in review ko. Hindi ko muna maatupag yung reflection ko on my immersion kasi medyo sabaw ang utak ko dahil sa sipon (yak!).

Napansin ko lang na puro mga summaries lang ang pinopost ko rito sa blog ko over the past year. Kung hindi naman yon, puro naman ang-tagal-ko-nang-hindi-nagsusulat-ng-matino-dito posts. Or puro pictures naman. Hay. Ewan ko. Walang panahon. Laging may ginagawa o kailangang alalahanin.

Naiinis pa rin ako hanggang ngayon, kasi gusto kong manahimik at maglaan ng panahon para pag-isipan ang mga dapat kong pag-isipan ngayong malapit na akong magtapos sa pag-aaral. Ano ba talaga ang gusto kong mangyari sa buhay ko? Magtuturo ba talaga ako? Mag-co-corporate ba ako (Please, Lord, huwag.)? Sasali ba ako sa JVP? Kukuha na ba ako ng M.A.? Magbabakasyon ba muna ako? Tutulong ba ako sa family business? Magmamadre ba ako? (Yes, napag-iisipan ko rin 'yan.)

Syempre hindi lang yan kinabukasan ko ang pinag-iisipan ko. Pati yung mga magulang ko na unti-unti nang tinatamaan ng mga sakit. Ano na ang mangyayari pag biglang may mawala sa kanila? Paano kaming magkakapatid? Paano ang negosyo? Si kuya, wala pa ring trabaho. Anong mangyayari sa kanya? Ang nakababata kong kapatid, na madalas pasaway at gastador, anong mangyayari sa kinabukasan nya?

At si Mahal. Ano'ng mangyayari 'pag balik n'ya? (Hanggang d'yan na lang muna ang tanong tungkol sa kanya.)

At ang pinakaimportante pero laging naisasantabi: si Lord. Kailan kaya ako makakabalik sa Kanya? Kailan ko tatanggalin ang poot at katigasan ng ulo ko para matanggap ko Siyang muli sa buhay ko? Handa ba akong tanggapin Siya ngayong Kapaskuhan?

Ang bilis-bilis ng mga pangyayari. Sana makapagnilay-nilay ako nang kaunti ngayong bakasyon.

Pero bago ang lahat, party muna! Woohoo!!! Sana dumating na ang mga tao! hehe!Ü

A Short Word From Our Sponsors

I know, I know, sabi ko sa last entry ko I'll be posting my 'reflections' on my Immersion. I still need more quiet time to finish it kaya I'm postponing it until after classes are done. (Our last day is on Wednesday pa. Arrgh.)

For now, ito na muna. Natuwa kasi ako sa idea na 'to. Got it from Bits's blog:

Take the first sentence (or two) from the first post of each month of 2005. That's your year in review.Ü

Jan: THE DISTANCE
Feb: Birth Data for Denise:
Mar: BaliKatTanDate: 28 January 2005; Model: Kat; Venue: ACIL Room
*no entries for April*
May: Bantay
June: Schedule for this coming semester:
July: It's been a loooong while since I poured in my thoughts here.
Aug: This was my Friendster Horoscope from July 30:
Sept: First time ko'ng mag-overnight sa bahay ng kaibigan last Friday night.
Oct: I am a mere spectator
Nov: What I've accomplished so far since October 14 (last day of exams), in no particular order:
Dec: Halos isang buwan din akong hindi nagsulat dito.

Updates

Halos isang buwan din akong hindi nagsulat dito. Bakit? Nakita n'yo naman ang schedule ko di ba? Pero kahit na mahahaba ang breaks ko, nakakain din dahil sa dami ng ginagawa: field work for thesis, ACIL Caroling practices, at ACIL Week activities. Siguro mabuting ilista ko na lang muna kung anu-ano ang mga nagawa ko over the past weeks. Sa tingin ko may mga nakalimutan na ako, pero susubukan kong tandaan.

1. Nanood ng 'Harry Potter & the Goblet of Fire' at 'Prime' with my family
2. Nakapagpasa ng papel para sa Theology
3. Naging 'alipin' ng klase (class beadle) sa Theology
4. Tumugtog ng bamboo instruments sa Philippine Music class (e.g. tongatong, bungkaka, pateteg, kubing, saggeypo)
5. Nag-commute papuntang Batasan para sa thesis (dalawang beses na)
6. Nag-attend (at sana patuloy pa) sa caroling practices (na dating hindi ko magawa)
7. Kumanta sa harapan ng ACIL alumni sa College Chapel (dalawang beses)
8. Nag-IC kay Ma'am Rina ng CMO nang dalawang oras
9. Sumali sa 8-Day Retreat for Seniors na gaganapin sa Marso (pero hindi pa ako pinapayagan)
10. Pumunta ng Marikina kasama si TJ at napadpad ng Blue Wave Marikina para kumain ng pananghalian at mag-Starbucks (sa uulitin!Ü)
11. Nag-make-up class ng Sabado ng umaga (Pol Sci)
12. Nag-breakdown pagkatapos pa lang ng dalawang linggo sa eskwelahan
13. Nagpa-photocopy kay Ate Alma ng wroth P1,392.00 (!) para sa thesis
14. Nag-immersion sa Pangarap Foundation (Pasay-Taft) nitong nakaraang weekend

Kwento tungkol sa immersion sa susunod na entry. Abangan.